Heile seks kulturminneprosjekt i Kvinnherad fekk støtte
I 2023 gav Kulturminnefondet tilsegn på totalt 16.597.000 millionar kroner til 115 ulike prosjekt i Vestland. Seks av dei er altså heimehøyrande i Kvinnherad.
– Ved å bidra til at eit mangfald av kulturminne blir sett i stand i Vestland, blir det sørga for eit grunnlag for framtidige opplevingar, kunnskap, utvikling og verdiskaping, seier Simen Bjørgen, direktør i Kulturminnefondet i ei pressemelding.
Spalta gneis
Annonse
Til saman har kulturminneprosjekta i Kvinnherad fått tildelt 350 000 ,-. Eitt av prosjekta som fekk innvilga støtte var Per Magne Eikenes sitt prosjekt inne i Gjetingsdalen.
– Me har restaurert taket på hovudhuset her heime på Eikenes, dei vart akkurat ferdige til jul. Taket har det ikkje blitt gjort noko med sidan dei bygde det i 1885, så det var no på tide. Skiferhellene var derimot like god, så den brukte me sjølvsagt opp att, forklarte Eikenes.
– Det er for så vidt ikkje heilt vanleg skifer, men såkalla spalta gneis. Den er knallhard, og me har fått beskjed om at så lenge huset står vil taket halda i 1000 år. I tillegg så var sperra harde som flint, trass i at det har vore fleire lekkasjar, la han til.
Her er lista over alle mottakarane i Kvinnherad 2023:
