Haustbasar på Husnes bedehus

– Det er den årlege haustbasaren der inntekta mellom anna går til Indremisjonen sitt barne og ungdomsarbeid, som òg omfattar leirarbeid på Brandøy og Helgatun, skriv Arne Lindekleiv i ei pressemelding.

Han lovar både åresal og trekking av loddbøker. På basaren vil det mellom anna vera kortreiste gevinstar som matprodukt og handarbeid. Jan Ove Fagerheim skal halda andakt.

Husnes Indremisjon ynskjer både born og vaksne velkomen til ein koseleg ettermiddag, der ein kan støtta viktig barne- og ungdomsarbeid.