Haustaktivitet i hjelpekorpset
21. september hadde hjelpekorpset til Kvinnherad Røde Kors øving i området ved KVV og Kaldestadåsen. Utover hausten skipar dei dessutan i stand kurs.
Publisert
Sist oppdatert
«Mannskap skal trena på søk i terreng og søk etter markør. Det vil i samband med denne øvinga vera uniformert mannskap i området», informerer dei på Facebook-sida si.
I tillegg til å halda øvingar er Kvinnherad Røde Kors i desse dagar på jakt etter fleire som ynskjer å vera med i hjelpekorpset, og set no i gong med kursa ein treng for å verta godkjent hjelpekorpsar.
Annonse
Dette er i samarbeid med hjelpekorpsa i Kinsarvik, Tyssedal, Røldal og Odda, og kursa startar opp i Kvinnherad siste helga i september, før det sluttar av i Kinsarvik i midten av november.
«Alle kursdagane må gjennomførast for å ta den avsluttande prøven siste dagen. Fullfører du dette kurset går vegen vidare til vinterkurs på Dyranut i vinter, og barmarkkurs til våren», skriv dei.
Ein må vera fylt 15 år for å delta, og det blir rekna som ein fordel å vera interessert i friluftsliv og førstehjelp.
