Har sagt opp som brannsjef
Atle Josdal har sagt opp stillinga som sjef for Kvinnherad brann og redning. No går ferda heim att til Sørlandet.
Publisert
Sist oppdatert
– Eg reiser heim til Sørlandet og blir avdelingsleiar for beredskap i Brannvesent Sør IKS. Eg seier opp grunna familiære årsaker, seier Atle Josdal til Grenda.
– Eg har hatt snart 11 fantastiske år i Kvinnherad . Det har vore utruleg gøy å gå på jobb kvar dag, det har vore ein flott jobb saman med flotte folk, legg han til.
Annonse
Referansebrann
Josdal starta sin jobb i Kvinnherad hausten 2013, og har siste arbeidsdag i slutten av juli.
– Det blir leit å reisa, men eg ser samtidig fram til å koma sørover. Brannvesenet Sør IKS, med hovudbrannstasjonen i Mandal blir arbeidsstaden frå hausten av. Det har vore ei vanskeleg avgjerd å ta, men omsynet til familien vog tyngst, forklarer han.
I løpet av åra i Kvinnherad har han vore med på sin skjerv av dramatiske hendingar.
Annonse
– Det har vore ein del krevjande og spennande oppdrag, både brannar og ulukker. Kvinnherad ein stad med varierte oppgåver, gitt geografien har ein fleire drukningar enn vanleg, bilulukker har det vore mange av, også hadde me brannen på MF «Yterløyningen», som blei ein referansebrann ikkje berre for Norge, men også for utlandet, minnest Josdal.
Han har vore landet rundt og halde føredrag om det, inkludert vore på svensk tv og snakka brannen.
– Det har vore eit privilegium å få byggja opp Kvinnherad brann og redning, sluttar Josdal.
