Har oppretta sak for aktlaus køyring
To personar er lettare skadde.
Måndag morgon kl 06.29 vart det meldt om ei trafikkulukke ved Toralivegen ved Reset.
– Dei to personane som vart sendt til sjukehus har truleg lettare skadar, seier Torgeir Fosse ved Kvinnherad politistasjon.
Annonse
Det var også såpass store materielle skadar at begge bilane måtte slepast vekk frå ulukkesstaden.
– Det er også oppretta sak på §3 som handlar om aktlaus køyring. Det er ikkje utenkjeleg at det glatte føret kan ha spelt ei rolle, fortel Fosse, og legg til at det ikkje er gjort førarkortbeslag etter ulukka.
Staden er like over klokka 09 måndag morgon rydda og igjen open for vanleg trafikk.
