Har landa ein person til prosjektstillinga for digitalisering innan helse og omsorg
Onsdag ettermiddag kunne Åslaug Brænde med glede opplysa om at Cecilie Torillsdatter Fredheim frå Rosendal har takka ja til jobben.
Publisert
Sist oppdatert
«Då har eg gleda av å informere om at vi har gjort ei tilsetting i prosjektarbeidarstillinga kompetanse og digitalisering i ein ny helse- og omsorgskvardag», skriv sektorleiaren i ein e-post.
Cecilie Torillsdatter Fredheim tek til i den nye jobben 18. januar 2023. Ho er utdanna intensivsjukepleiar og jobbar i dag som funksjonsleiar ved Odda sjukehus.
Annonse
«Ho gler seg til å starte hos oss og kjem til å halda kontakten med oss i vekene fram til oppstart i januar 2023. Vi gledr oss til å få henne med på laget», skriv Brænde vidare.
Prosjektstillinga blir organisert under eininga Aktivitet og rehabilitering som er leia av Geir Ove Fosse. Fredheim vil elles jobba tett opp mot e-helsekoordinator, IKT og dei fleste einingane. Kontorplassen hennar er tenkt å vera på helseloftet i Rådhuset.
Kompetanse og utvikling
Stillinga er eit resultat av prosjektet «kompetanse og utvikling i ny digital helse- og omsorgsteneste», som kommunen har fått tildelt 850.000 kroner frå Vestland fylkeskommune for å gjennomføra.
Annonse
Bakgrunnen for prosjektet er i søknaden omtala på følgjande vis:
Ein ny digital kvardag krev analyse av kompetanse og dekking av kompetansegap. Dette må gjerast i samarbeid med utdanningsinstitusjonar, kommunane og sjukehusa. Vidareutvikling av teknologi og relevant kompetanse i breie tverrfaglege samarbeid er hovudelementa for å realisera planane. Prosjektet skal visa korleis nye digitale helse- og omsorgstenester kan verka inn på kommunane si evne til å gje gode tenester, rekruttera og behalda kompetanse, og gjera arbeidsdagen meir interessant.
