Har kontroll på brann på Husnes

Brannvesenet er på staden og har fått gjort ferdig sløkkearbeid. Dei har kontroll på brannen.

Are Blokhus frå Kvinnherad Brann og Redning fortel at brannvesenet fekk melding frå ein automatisk brannalarm. Dei rykka ut, fekk fort stadfesta at det var røyk på staden, og slo full alarm. Dei første som kom på staden gjekk i gang med brannsløkking.

Då brannen var sløkt, gjekk dei vidare med søk etter personar. Fire leilegheiter vart evakuert, og det er ingen personskadar.

No har brannmannskapet full kontroll på staden, og startar å lufta ut og nullstilla alarmsystemet.

– Ein del av brannmannskapet her har blitt sendt tilbake til arbeidet dei heldt på med i Halsnøy-tunnelen, avsluttar ein travel Are Blokhus.