Har forska på tiltak for å redda miljøet: – Vi kan ikkje halda fram med å bruka naturen som om den er ein uendeleg ressurs
Rapporten peikar på at det kan bli dyrt dersom ein ikkje tar grep.
«Vi kan ikkje halda fram med å bruka naturen som om den er ein uendeleg ressurs» skriv Miljødirektoratet i ei pressemelding, om ein ny rapport om samanhengar mellom naturmangfald, mattryggleik, vasskvalitet, helse og klima.
Rapporten er laga av 165 leiande ekspertar frå 57 land, og måndag 16. desember vart rapporten godkjend av Det internasjonale naturpanelet (IPBES). Den slår fast at naturmangfaldet er i tilbakegang over heile kloden.
Annonse
Kan bli dyrt
I den kjem det fram at dersom det ikkje blir ei løysing på naturkrisa, så vil rekninga for å ta vare på mattryggleik, reint vatn og god helse dobla seg dei neste åra.
– På toppen av dette kjem den auka kostnaden av å handtera klimaendringar, uttalar klima- og miljøminister Tore O. Sandvik i samband med rapporten.
Tiltakt
Annonse
Miljødirektoratet peikar på fleire konkrete tiltak som kan bidra til å løysa, eller i det minste bremsa, problema som kjem fram i rapporten.
Naturpanelet framhevar at dei tiltaka som har mest positiv effekt mellom anna er dei som vernar om naturen vi har, reparerer øydelagd natur, minskar forureining både i vatn og på land, bremsar klimaendringar og tiltak som fører til eit meir berekraftig kosthald.
Sistnemnde vil krevja mindre areal, redusera klimautslepp og sikra fleire menneske økonomisk rimeleg tilgang til sunn mat.
