– Har fått tak i dei vi treng

I stillingsannonsen som låg ute kom det fram at dei trong rundt 130 ferievikarar til ulike roller ved metallverket på Husnes. Inntaket til desse stillingane er no over, og Svein Martin Kaldestad, HR-sjef ved Hydro Husnes, fortel at dei fekk inn søknadar frå mange gode kandidatar.

– Vi har fått inn dei vi treng og har starta opplæring. Kvart år har vi behov for å rekruttere nye folk, men det går også ein automatikk i å tilby jobb til dei gode kandidatane som var sommarvikar året før, seier han.

Mange om beinet

Vidare understrekar han at Hydro Husnes ikkje pleier å ha problem med å fylla stillingane dei lyser ut. Dette gjeld både sommarvikarar og for lærlingar.

– Arbeidsmarknaden er veldig god og arbeidsløysa er generelt låg her i Kvinnherad, så det er bra for oss at vi har så mange søkjarar. Realiteten hos oss er at vi diverre må takka nei til fleire, fordi det er så mange gode kandidatar å velje mellom. Dette gjeld også for lærlinginntaket, kor me har mange fleire søkjarar enn det vi har behov for, forklarar Kaldestad.

Hydro Husnes består om lag 10% av arbeidsstokken av lærlingar, til ei kvar tid.