Har du høyrt om musikalsk litterær standup?

Henriksen kjem til Husnes i lag med sine to rockemusikarar i Babylon Two, og framfører noko som best kan beskrivast som musikalsk litterær standup. Hans forfattarskap er høgt elska av både publikum og kritikarar, og han har motteke ei rekkje prisar for sine bøker, står det i ei pressemelding.

Motvillig julenovellist

I denne framsyninga får me høyra meir om dei 87 refusjonane, dei over 30 skjønnlitterære bøkene og dei ti plateutgjevingane. I tillegg får me høyra meir om dei mildt sagt skremmande opplevingane som skodespelar i Bent Hamers «Hjem til jul», og merkelappen han noko motvillig har fått som heile Norges julenovvelist, står det vidare.

Vanlegvis turnerer Henriksen landet rundt med Babylon Badlands, ein breibeint rockekvintett i Tom Petty & The Heartbreakers-stil, men no kjem han i selskap med trommeslagar Finn Lilleseth og bassist Morten Andreassen.