Hanna og Fyllingsdalen vart seriemeister
Hanna Mehammer og Fyllingsdalen kunne etter storsigeren mot Klepp 2 søndag kalla seg seriemeister i sin 2. divisjon, allereie før serieslutt. No ventar sluttspel om opprykk.
Publisert
Sist oppdatert
Etter ein 6-0 siger heime mot Klepp 2 søndag, kunne Hanna Mehammer frå Halsnøy og Fyllingsdalen krona seg som seriemeister i sin 2. divisjon, allereie før serieslutt.
For å få spela sluttspel om opprykk til 1. divisjon, var Fyllingsdalen avhengig av å få med seg poeng frå ein av to kampar som stod att av sesongen. Det skulle visa seg å vera enkelt.
Annonse
– Klepp 2 var aldri noko trussel mot ballsikre FKF og det stod 2-0 allereie etter 9. minuttar. Utover kampen gjorde Fyllingsdalen mange byte for å gi mest mogleg speletid, men gav seg ikkje før det stod 6-0 på tavla, skriv Fyllingsdalen om kampen på Facebook-sida si.
Halsnøy-jenta scora eitt av Fyllingsdalen sine seks mål i kampen.
No gjenstår siste seriekamp mot Os, før Fyllingsdalen skal ut i to kvalifiseringskampar mot andre avdelingsvinnarar, der to lag rykkjer opp til 1.divisjon.
Grenda gratulerer!
