Halvor Folgerø til Husnes for å snakka om ny bok
NRK-journalist og forfattar, Halvor Folgerø, kjem onsdag 15. mars til biblioteket for å snakka om boka si, «Fleire vestlandsvegar – Frå Trollstigen til Djevelens veranda».
– Boka er full av gode historier frå nær fortid då det var nødvendig å vera kreativ for å koma fram. Det handlar om bilmekanikaren som redda ferien då han fiksa ein sprokken bensintank med sterilansåpe, om trailersjåføren som blei ufrivillig jordfar på veg opp Hemsedalsfjellet, og om elefantane til Sirkus Arnardo som måtte leiast gjennom dei låge tunellane ved Saudafjorden, fortel dei i pressemeldinga.
Forfattaren var her også i 2021, då snakka han om den fyrste boka, «Vestlandsvegar», i det som kan sjåast på som ein miniserie. Folgerø er nok kanskje mest kjend frå det populære tv-programmet «Eides Språksjov».
