Halsnøy-jente kan bli årets spelar i 1. divisjon

Kvinneidrett.no skal i samarbeid med Fotballkollektivet og Støtt Norsk Kvinnefotball kåra årets spelar og årets unge spelar i Toppserien og 1. divisjon.

– Vi har nominert spelarar i kvar kategori, så kan lesarane stemma fram deira favoritt i dei forskjellege kategoriane, skriv Kvinneidrett på sine sider.

Synne har skumle planar denne sesongen: – Skal bli meir kynisk føre mål

Og i kategorien «Årets spelar 1. divisjon» finn vi Synne Eide Bjørnebøle frå Halsnøy. Så langt denne sesongen har Synne vore ein sterk bidragsytar til at Åsane framleis er med å kjempar om opprykk når det no står att to kampar denne sesongen.

Synne er ei av i alt sju spelarar i 1. divisjon som ein kan gå inn og stemma på.

– Dei nominerte er sett og vi ynskjer å få levert inn bestillingar slik at vi får prisane tidsnok til å kunna dela dei ut så fort som mogleg etter at det er bestemt. Vi kjem også til å ha ei avstemming på Instagram. Desse to avstemmingane vil saman vera med å påverka vår avgjersle om årets prisar, skriv Kvinneidrett.

Synne spelte seg inn på rundens lag i 1. divisjon