Hageplanter på avvege

– Problemet er størst langs vegen, men fleire stader er plantane også på veg inn i skogen, langs skogsvegar, stiar og på jorder. Dei som ikkje ver spreidde gjennom lufta, kjem gjerne med grusmassar og dumping av hageavfall, seier Aina Solberg i Naturvernforbundet i ei pressemelding.

Særskilde problemartar

Naturvernforbundet har framande planteartar som eit viktig fokusområde då dei utgjer ein trussel for dei lokale økosystema, står det vidare.

– Me har hatt eit møte med kommunen om problemet og me planlegg ein aksjonsdag 6. juni. Der inviterer me folk til å vera med og fjerna gyvel langs skogsvegen ovanfor Søsterheimen på Valen, eller gjere ein dugnad der dei bur, oppmodar Solberg.

I fylgje Solberg er gyvel ein av dei artane som no er i så stor spreiing at den blir vurdert som svært høg risiko for norsk natur i artsdatabanken.

– Ikkje berre fortreng gyvel dei stadeigne artane, men han endrar også jordsmonnet slik at dei ville plantane ikkje trivst. Ovanfor Søsterheimen har gyvelen på få år spreidd seg over eit større område, fortel Solberg.

– Me kjem til å dela info om nokre særskilde problemartar her hjå oss og korleis ein fjernar og handsamar planteavfall. Vårt ynskjer og mål både å setja fokus på problemet og kva me alle kan gjera, sam at det ville vore stort å få til dugnadsgrupper som ynskjer å arbeida me då fjerna framandartar. Plantane er gjerne lettast å sjå når dei blømer, difor treng me nok meir enn ein aksjonsdag i året, avsluttar ho.