Hagekonsert på Halsnøy kloster
Fredag 13. august skal Halsnøy kloster markere avslutninga på sommarsesongen. Dette gjer dei med hagekonsert, kor Hilde Selvikvåg står for underhaldinga.
Publisert
Selvikvåg skulle eigentleg hatt konsert påsken 2020, men denne vart utsett til liks med resten av kulturarrangementa i landet. Det er difor ei glede å endeleg få gjennomført arrangementet, sjølv om meteorologane spår nokre dropar denne ettermiddagen.
I føreomtalen til arrangementet skriv arrangøren at Hilde Selvikvåg på kort tid har oppnådd stor suksess med Spellemannsnominasjon av debutalbumet og fleire store radiohits på løpande band. Med sine fengande poplåter som «Karusell», «Indie», «Anemone» og «Fryd» har ho snike seg inn i mange hjarter og vist at ho er ein unik artist og låtskrivar som vågar å gå sine eigne vegar.
Annonse
Ektefølt og nært formidlar ho tekstane sine på klingande jærdialekt, slik som berre ho kan, og fremjar lått så vel som tårer med ein varme og nærvære av dei sjeldne, lokkar dei.
Det var framleis billettar att til konserten då Grenda gjekk i trykken onsdag ettermiddag.
