Gutane blir betre i engelsk - gaming kan vera ei forklaring

I ei pressemelding frå Det utdanningsvitenskapelige fakultet ved Universitetet i Oslo står det at norske gutar gjer det stadig betre i engelsk.

Forskarar har analysert resultat frå nasjonale prøvar i lesing og engelsk, samt munnleg og skriftleg eksamensresultat frå 2007 fram til 2018 blant 1,1 millionar elevar i Norge på barne- og ungdomstrinnet.

Målet var å undersøka utviklinga av kjønnsforskjellar over tid i engelsk, samanlikna med norsk.

Betring i engelsk

Dei nasjonale prøvane i engelsk viser ei gradvis auke til fordel for gutane sidan 2014, medan jentene presterte konsekvent betre enn gutane i engelsk på 10. trinn, står det mellom anna i pressemeldinga.

Vidare at jentene presterte tydeleg betre enn gutane når det kom til norsk i 10. trinn, men at gutane har hatt ei jamn forbetring på alle trinn når det kjem til engelsk.

– Dette tydar på at gutane ikkje forbetra språkferdigheitene sine generelt, men spesifikt i engelskfaget, uttalar professor Astrid Marie Jorde Sandsør ved Create Senter i pressemeldinga.

Engelsk på skjerm

Nasjonale resultat frå Ungdata om barn sin bruk av sosiale medium visar at nesten to tredjedelar av gutane rapporterte å spela dataspel fleire gonger i veka. Berre eit mindretal av jentene gjorde det same. I tillegg viser Barn og medium-undersøkinga at gutar oftare enn jenter rapporterer at dei brukar engelsk når dei spelar, er på Youtube eller der film og seriar.

Denne forskjellen i barn sin bruk av digitale medium kan potensielt forklara kjønnsforskjellane som er funne i studia. Samstundes undarstrekar dei at at dette studiet ikkje kan konkludera med at mediebruk er årsaka til gutars forbetring i engelsk.

På 10.trinn

For både engelsk og norsk er kjønnsforskjellane på 10. trinn i favør jentene.

– Eksamen på 10. trinn måler noko anna enn det nasjonale prøvar gjer. Det er likevel bekymringsverdig at forskjellane er såpass store. Enten tar jentene igjen gutane i løpet av ungdomsskulen, eller så tydar det på at kompetansen gutene sit på, særleg i engelsk skriftleg, ikkje blir fanga godt nok opp i eksamensvurderingar, står det.