Guro med kjempeløp i Sandnes
Blinkfestivalen i Sandnes er i full sving og fleire Femsteinevikar er på plass for å representera Kvinnherad. I dag gjekk Guro Femsteinevik ein knallsterk finale.
Den unge dama, som går for Hålandsdalen IL i klassen skiskyting junior 20-22, gjorde eit godt løp trass i fleire bom under skytingane. Inn mot mål hamna Femsteinevik i ein spurtduell som ho gjekk sigrande ut av, 1,2 sekund føre 3. plassen, og hamna dermed på ein meget flott 2. plass.
– Det var veldig gøy, men eg blir veldig nervøs, sa ein smilande Guro Femsteinevik til NRK etter målgang.
