Grenda manglar på Hatlestrand og Ølve - kjem i morgon

Diverre kjem ikkje Grenda til abonnentane på Hatlestrand og Ølve i dag.

Årsaka til forseinkinga ligg utelukkande på Grenda-redaksjonen. Etter ein hektisk dag i bladstova, vart avisa rett og slett levert så seint til trykkeriet at dei ikkje rakk å bli ferdig før siste bil til distribusjonssentralen i Bergen køyrde av garde. Dette råkar abonnentane på Hatlestrand, Ølve og i Bergensområdet. Vi må berre beklaga, og skal satsa alt på å bli ferdige tidlegare neste veke.

Avisa skal no bli å finna i postkassane fredag. Dei som er utolmodige, kan eventuelt lesa E-avisa på nett. Viss nokon ikkje har logga seg inn på E-avisa enno og treng hjelp til å gjera det, er det berre å ta kontakt!