Green Ship Design er slått konkurs – held fram i nytt selskap
Green Ship Design er slått konkurs, men Magnar Hellesøy tek med seg prosjektet og rettighetane over i eit nytt selskap.
Publisert
Sist oppdatert
Eit år etter at Magnar Hellesøy offentleggjorde planane om å revolusjonera laksetransporten gjennom eit nytt katamaranprosjekt, er det no slutt for Green Ship Design.
Annonse
Men Magnar Hellesøy gir ikkje opp draumen sjølv om Green Ship Design no har blitt teke under konkursbehandling av Sunnhordland tingrett. Han har allereie overført prosjektrettighetane til eit nytt selskap.
– Det har vore ei svært spanande reise med Green Ship Design sidan 2018. No har dessverre selskapet vorte teke under konkursbehandling av Sunnhordland tingrett. Vi fortset no Green Ship-prosjektet for transport av laks og andre ferske varer gjennom Green Ship Technology AS, som har overteke Green Ship-prosjektet og alle rettighetane, skriv Hellesøy i ei pressemelding gjengitt av iLaks.no.
