Grasbrann på Sydnesøy
Brannvesenet har rykt ut med båt til Sydnesøy for å sløkka ein grasbrann. Har kontroll på brannen.
Publisert
Sist oppdatert
Samstundes som at det blir vasla om stor gras- og skogbrannfare på heile Vestlandet, brenn det i bras på den populære hytteøya Sydnesøy søraust for Halsnøy.
Kvinnherad brann og redning kom til øya med sin beredskapsbåt og har starta sløkking av brannen frå den. Politiet er også på veg til øya, melder operasjonssentralen til Vest politidistrikt.
Annonse
Politiet varsla om brannen klokka 14.44. Då gjorde hyttebuarar forsøk på å sløkkja brannen sjølve.
Klokka 15.23 meldte 110 Vest på X at det er kontroll på brannen.
– Det er svært tørt i terrenget, så det blir jobbing ei god stund vidare med ettersløkking, varslar brannvesenet via X-kontoen 110 -vest.
