Google-bilen i Kvinnherad
No blir vegane i Kvinnherad filma av Google, og vil bli ein del av deira Street View-teneste.
Publisert
Sist oppdatert
Torsdag ettermiddag stod ein Google-bil parkert rett nord for Herøysund. Den stod då med snuten innover fjorden. På taket hadde bilen, som truleg var ein Opel Astra, eit kamera som filmar i 360 grader.
Svært mange land er dokumentert på denne måten i databasen til Google. Tenesta blir brukt til praktiske føremål, men også til underhaldning som i det svært populære spelet GeoGuessr.
Annonse
Google Street View vart lansert attende i 2007. For tida vert biletgalleriet oppdatert i nesten 80 land, deriblant Norge. I tillegg kjem nye land med for fyrste gong. Panama kom på plass tidlegare i år, medan Bosnia og Herzegovina, Namibia, Liechtenstein og Paraguay er i kjømda.
Ifølgje Google si nettside er selskapet i Hordaland frå april til oktober i år. På fotograferingsprogrammet har dei lista opp Bergen, Odda, Leirvik, Etne, Vossevangen og Osterøy.
