Godt gjennomført Fjelltrim i Rosendal

Tidlegare har fjelltrimmen hatt 5 turmål og ein måtte besøka alle. I tillegg hadde dei klippekort som ein måtte klippa på toppen og senda inn for å få gjennomført.

Nytt i år var at fjelltrimmen var på 10 ulike turmål i Rosendalsområdet, og ein måtte besøka seks av desse for å fullføra fjelltrimmen. Registrering måtte skje gjennom appen «Postkassetrimmen».

«Nokre av turane er svært krevjande, medan andre er noko lettare. Vi ynskjer at fjelltrimmen skal vera oppnåeleg for mange», skriv Laila Hovland i årsmeldinga til fjelltrimmen.

Dei ti turmåla i år var; Melderskin, Malmangernuten, Nordlifjell, Skeisfjell, Skålafjell, Gamlestølen (over Guddal), Høyklepp (på veg mot Malmangernuten), Kjeldestøl, Myrdalsvatnet og Sanden (inst i Myrdal).

Fjelltrimmen gjekk frå 1. mars til 1. november og over 200 personar meldte seg på. Av desse gjennomførte 88 fjelltrimmen. 19 av deltakarane registrerte seg på alle 10 turmåla.

Tre av deltakarane er heldige vinnarar av gåvekort på Sport 1 Rosendal. Dei heldige vinnarane er;

Lars Mikkjel Hus Kråkenes, delteke 19 gongar.

Weronika Seglem, delteke 7 gongar.

Christine Tveito, delteke 8 gongar.

«Turgruppa i Rosendal Turnlag takkar alle deltakarane for flott innsats i 2023, og ynskjer alle velkomen til ny Fjelltrim i 2024», avsluttar Hovland.

Sjå alle som gjennomførte Rosendal Fjelltrim her;