Godkjente prioritering av spelemiddelsøknader

Formannskapet fekk førre veke opp til handsaming «Rullering av handlingsprogram 2025-2028 - kommunedelplan for idrett, fysisk aktivitet og friluftsliv».

«I saka er det utarbeidd ein oversikt over anleggsutbyggingar, både av privat og offentleg karakter. Det er vidare skildra ein oversikt over kostnadar, finansiering, og korleis kommunen ønskjer å innrette dei i spelemiddelordninga. Spelemiddelordninga har avgrensa med midlar til fordeling kvart år, og det er normalt 3-4 års ventetid før endeleg utbetaling. For nærmiljøanlegg og friluftslivsanlegg er ventetida vesentleg kortare», vart det opplyst i saksutgreiinga.

Nærmiljøanlegg

Når det gjeld nærmiljøanlegg ser lista slik ut:

Prioritering, Anlegg, Søknadssum, År i kø

1. Ballbinge – Fatland vel, 473.000, 0

2 Multibane – Eidsmarka inkluderande utemiljø, 600.000, 0

Total søknadssum nærmiljøanlegg 2025, 1.073.000

Ordinære anlegg

For såkalla ordinære anlegg er dette lista:

Prioritering, Anlegg, Søknadssum, År i kø

1. Kvinnherad arena – klatrevegg, 3.000.000, 4

2. Kvinnherad arena – basishall, 6.500.000, 4

3. Kvinnherad arena – 60 meter løpebane, 500.000,4

4. Kvinnherad arena – aktivitetssal, 1.200.000, 4

5. Kvinnherad arena – buldreanlegg, 300.000, 4

6. Rehabilitering kunstgrasbane – Husnes idrettspark, 1.000.000, 4

7. To tiltak – Rosendal kunstgrasbane, 2.100.000, 2

8. Rehabilitering Uskedal aktivitetshus, 194.000, 1

9. To tiltak på Husnes kunstgrasbane – Husnes idrettspark, 3.600.000, 1

10. Rehabilitering ljosanlegg – Fjellhaugen skisenter, 226. 000, 0

11. Rehabilitering skitrekk/heis – Fjellhaugen skisenter, 522.000, 0

12. Snøproduksjonsanlegg – Fjellhaugen skisenter, 501.000, 0

Total søknadssum ordinære anlegg 2025, 19.643.000

Planlagde investeringar

Det er også teke med ein oversikt over planlagde investeringar 2025-2028, slik det ligg inne i kommunedirektøren sitt forslag til økonomiplan.

Malmanger skule, uteområde 300.000 i 2025, tidlegare 600.000.

Øyatun ungdomsskule, uteområde 300.000 i 2025, tidlegare 600.000.

Erslandsparken, utbetring turveg 400.000 i 2025.

Rosendal ungdomsskule, uteområde 300.000 i 2026.

Bygdetunet Rød, drenering bak hovudbygning 500.000 i 2025, tidlegare 250.000.

Prestabryggja, ferdigstilling 200.000 i 2025, tidlegare 423.000.

Beløpa er ekslusiv mva, og synleggjer reelt låneopptak for Kvinnherad kommune. Formannskapet gjekk samrøystes for innstillinga. Saka skal endeleg avgjerast i Kommunestyret denne veka.