Gode resultat i Haukelirennet

Etter to amputerte år på grunn av pandemien, var det endeleg klart for ei fullverdig utgåve av det tradisjonsrike Haukelirennet laurdag. 1064 deltakarar i fleire ulike klassar stilte til start på toppen av Haukelifjell skisenter. Åtte av dei frå Kvinnherad.

I ungdomsklassen, som er 12 kilometer langt, stilte tre kvinnheringar til start. Alle dei henta heim medaljar i sine klassar. William Samland Eik tok sølvet i klassen M14, medan syskena Julian og Celina Enes-Seberg gjekk inn til gull i høvesvis M12 og K12-klassane.

I mosjonsklassen på 32 kilometer, gjekk Jørn Hjelmeland inn til ein sterk 3. plass, medan sambygding Lars Ripel vart nummer fem.

IL Ternen-veteran Magne Heien henta også heim ein gullmedalje. Han stilte i konkurranseklassen, som også er 32 kilometer, og kryssa mållinja fyrst av alle i klassen 66-70 år.

Ungdomsrennet 12 km:

K12:

1. plass – Celina Enes-Seberg – Omvikdalen IL – 38.09

M12:

1. plass – Julian Enes-Seberg – Omvikdalen IL – 38.11

M14:

2. plass - William Samland Eik – Uskedal IL – 36.47

Mosjon 32 km:

Menn:

3. plass – Jørn Hjelmeland – Omvikdalen IL – 1.42.43 - +26.24

5. plass – Lars Ripel – Dimmelsvik - +29.11

19. plass – Vidar Stene Hellås – Sandvoll - + 44.30

Kvinner:

6. plass – Linn Stene Hellås – Valen - +1.25.21

Haukelirennet 32 km:

Menn 66-70 år:

1. plass – Magne Heien – IL Ternen – 1.56.01