Gler seg over kyrkjemillionar

I november 2022 var statsråd Kjersti Toppe, som blant sine ansvarsområde har kyrkjesaker, religion og livssyn, var på vitjing i Kvinnherad kyrkje og fekk høyra om korleis stoda var for kyrkjebygga i Kvinnherad.

Allereie under dette besøket varsla ho at regjeringa ville koma med midlar til å ta vare på dei mange kyrkjene som er i landet, spesielt dei eldste av dei.

– Det som ligg først i løypa, er dei to gamle kyrkjene. Toppe seier også at desse skal prioriterast, påpeikar kyrkjeverja.

Ekstern finansiering

– 9 av 12 er kvalifisert til å søkja om pengar, men det er dei to eldste som treng det mest – og det er som sagt også i den enden regjeringa har signalisert dei vil starta. Kanskje får me til eit forprosjekt neste haust/vinter? Det hadde vore stas. Tak og vindauge må takast relativt raskt begge stadane, analyserer Aarthun.

Han er likevel spent på korleis ordninga blir utforma, spesielt med tanke på eigeninnsatsen frå kyrkjeeigar si side.

– Tidlegera har ein på utlysing av midlar til prosjekt hatt ei fordeling mellom kyrkjeeigar og fond frå Riksantikvaren, som har vore 40/60. Ny varme i Eid kyrkje og Kvinnherad kyrkje kom frå slikt fond. Ei utfordring no er at det er store prosjekt og dermed store summar det kjem til å bli på denne ordninga, forklarer Aarthun.

– Då må me kunna forventa ein høgare del av ekstern finansiering på slikt, då blir det meir realistisk at ein får gjort desse oppgraderingane, vurderer kyrkjeverja.

Ein siste sak i samband med dette, er at renoveringsarbeid på gamle kyrkjebygg, er det få som har fagkunnskap om.

– Me kan ikkje gå på bygda å leiga ein lokal tømrar til å gjera dette. Det vil bli rift om dei som kan faget, sluttar Torstein Aarthun.