Glad i sykkel og mekking?

Det er vår og på tide å finna fram sykkelen. Anten han er motorisert eller ei, så er det ikkje alltid så lett veta kva ein skal gjera eller kva verktøy ein treng for å fiksa og ta vare på han. Korleis byter ein eigentleg bremser, smører kjeda eller skiftar spakar? Difor inviterer no Mekkegarasjen til mekkekurs for alle unge som ynskjer å bli med, seier Vigdis Gammelsæther til Grenda.

– Jon Steinar Viveli, som held kurset, er ein strålande mekanikar. Deltakarane kan koma med eigne prosjekt eller skru på prosjekt me har på mekkegarasjen, fortel Gammelsæther.

Mekkegarasjen er lokalisert i dei gamle garderobane til bassenget i Rosendal, og kurset krev ingen førehandspåmelding.