Gjorde reint bord i inneiande kampar
Strand-Ulv er representert med sju spelarar under NM i sandvolleyball for regionslag. Førebels går det så det grin.
Publisert
Sist oppdatert
Lilli Aksnes-Øystese, Emma Rødal, Henriette Næss Våge, Siri Aasgard og Lone Sofi Silke er med på J17-laget til Hordaland stiller til regionsmeisterskapen i sandvolleyball. For G17-laget er David Eikeland og Eirik Skjelnes er tatt ut.
For jentene har Hordaland starta i utilnærmeleg stil, og vann fredag begge sine innleiane puljekampar. Laurdag føremiddag vann dei også første mellomspelkampen, og står i skrivande stund med tre sigrar av tre mogelege. Dermed er dei i realiteten sikra plass i semifinalen søndag ettermiddag.
Annonse
For David Eikeland og Eirik Skjelnes starta gruppespelet med siger og tap i dei innleiiande puljespelskampane, før det laurdag vart tap i begge mellomspelkampane. Det betyr ein lang veg til eventuelle medaljemogelegheiter. Hordaland G17 spelar åttandedelsfinale kl. 14 på laurdag.
Meisterskapen går av stabelen på Randaberg. Når regionslag møtest i sandvolleyball, konkurrerer dei seks uttatte spelarane parvis mot andre regionar. Kampane blir spelte nesten som ein femsettskamp, og kampen er ferdig dersom stillinga i sett er 4-0 eller 3-1 til eitt av laga. Trenaren skal byta inn nye spelarar i kvart sett, slik at alle seks spelarane har spelt minst eitt av de fire setta. Dersom det står 2-2 i sett etter fire spelte sett, skal det spelast eit golden set til 15 poeng. Då kan trenaren velja kva to spelarar som skal spela dette, uavhengig av kven som har spelt saman tidlegare i kampen.
