Gjev støtte til jakt og naturopplevingar
Jarle Bruntveit sitt nye opplevingsfirma får 30.000 kroner frå kommunen sitt næringsfond
Publisert
I år vart firmaet Jarle Bruntveit Jakt og Naturopplevingar etablert. Mannen frå Herøysundet søkte no om 32.000 kroner frå næringsfondet til innkjøp av naudsynt utstyr, mellom anna VHF sikringsradioar, jervenduk til deltakarar, redningsutstyr for båt, diverse kokeutstyr og fyrstehjelpsutstyr. Han planlegg å tilby turar i Blådalsområdet.
«Jarle Bruntveit har bygd hytte i Ågotelv. Dette har blitt eit populært område for både lokale og tilreisande, med stort potensiale for utvikling av reiselivstilbod. Jarle Bruntveit Jakt og Naturopplevingar skal tilby «all inclusive» guida småviltjakt, med overnatting og servering. Opplevinga vert ei blanding av det ville naturlege, der bålkos og enkle høve i naturen er sentralt, sett saman med det luksuriøse hytteliv med god mat og drikke», vart det fortalt i saksutgreiinga.
Annonse
Styret i næringsfondet løyvde samrøystes 30.000 kroner.
