Gjerde søkjer om fritak

Arne Gjerde (MDG) søkjer om fritak frå kommunestyret, i hovudsak av helsemessige årsaker. Men han nemner òg møtetidspunktet (klokka 17.00) som eit problem. I tillegg slit han med motivasjonen.

Sjølv om helsa og stort arbeidspress er dei viktigaste årsakene, nyttar han søknadsbrevet mest til å fortelja om manglande motivasjon.

– Kommunestyret fungerer i dag ikkje som eit vedtaksorgan, slik det er tenkt etter lova. Det er vanskeleg å koma på eitt einaste kreativt, nyskapande, viktig og løysingsorientert vedtak dei siste ti åra. Eit godt døme er matsaka, der kommunestyret på fire år har prestert eit vedtak som er fjernare enn nokon gong frå det som folket ynskjer, skriv Gjerde.

- For ein kreativ og løysingsorientert person som underteikna er dette ei så frustrerande tilleggsbelastning at det rett og slett går på helsa laus, opplyser han.