Gjentek suksessen
Komande sundag skipar Rosendal Musikklag B, også kjend som B-gjengen, saman med Uskedal Musikklag til ein ny samarbeidskonsert i Helgheim i Uskedalen.
Dei to korpsa inviterer altså atter ei gong til ei triveleg konsertstund med både god musikk, åresal og ein god drøs innimellom musikkslaga, kjem det fram i ei pressemelding.
– Opplegget blir det same som sist, begge korpsa presenterer svært publikumsvenleg musikk gjnnom både marsjar, valsar og annan populærmusikk. Dette er musikk som publikum vil både lika og trampa og klappa takten til, seier Thor Inge Døssland i pressemeldinga.
Annonse
– Det vil også bli servert både kaffi, sagt og mykje godt å bita i. I tillegg vil det også blir ein omgang med åresal med mange kjekke gevinstar. Dei som møter opp bil få ei kjekk sosial stund med god stemning og drøs kring borda, krydra med musikk som fekk godt i øyra, avsluttar Døssland.
