Gjentek suksessen med sommarleir
For femte år på rad inviterer Friluftsrådet Vest til sommarleir i Uskedalen, denne gongen i to samlingar.
Tilbodene, er som tidligare år, fullpakka med mange kjekke og spanande aktivitetar og tilpassa ulike aldrar.
24. - 26. juni er ungdommar frå 12 til 15 år (7. til 10. trinn) invitert til sommarleir. Uskedalen skule vert hovudbasen, og det er lovnader om mange ulike aktivitetar, mellom anna kajakk og klatring. Det vil bli felles måltid, samt overnatting ute i lavo. Det vil og vera mogeleg å bli vurdert i krava for å taka «våtkort» og «topptaukort».
Annonse
Den andre samlinga er for elevar frå 10 til 13 år (5. til 7. trinn), og vert arrangert 5. - 7. august på hytta Fjelly, ved Mannsvatnet. Her vil elevane kunne fiska, plukka bær, lage mat, gå fjellturar og læra seg dugleikane med kart og kompass.
Tilbodet har vore særs populært tidligare år, og høyst sannsynleg vil mange barn og ungdomar få nokon ugløymelege minner dersom dei deltek på årets arrangement.
