Gir 285.000 til 8 lokale lag

– Auka optimisme blant både folk og bedrifter på Vestlandet er ein viktig drivar for det gode resultatet, seier banksjef Vivi Tranøy Loftheim ved Kvinnherad-kontoret i Sparebanken Vest i ei pressemelding.

Med banken sit overskot til rådigheit vert det no tildelt 290 millionar kroner til frivilligheit, organisasjonar, tiltak og næringsliv på Vestlandet.

– Kundane i Sparebanken Vest eig 60 prosent av banken, og difor har banken ein sterk tradisjon for at overskotet skal kome vestlendingane til gode, seier Loftheim.

Oppfordrar om å søkje om midlar

Sidan pandemien braut ut har Sparebanken Vest og Sparebankstiftelsen delt ut 579 millionar kroner til tiltak som bidrar til fellesskap og verdiskaping på Vestlandet.

– 153 millionar kroner er delt ut via Ildsjelfondet og koronafondet, og 2 944 500 kroner er gått til lag og foreiningar her i Kvinnherad, seier Loftheim.

Sparebank Vest oppfordrar lag og foreiningar om å halde fram med å søke om midlar frå Ildsjelfondet.

– Det kan ein gjera via søknadsportalen vår på spv.no. Vi oppfordrar særleg organisasjonar som jobbar med inkludering, mental helse og tiltak for sårbare grupper i samfunnet til å søke om støtte, sluttar Loftheim.

Desse tiltaka har fått tildelt pengegåver no i haust: