Getty-familien sin yacht på besøk
Ein usedvanleg vakker båt kom laurdag kveld til Rosendal. Eigar er ein av verdas rikaste familiar.
Skipet ber namnet "Talitha", og er registrert på Bermuda. Ho kom til Rosendal frå Bergen via Lukksund. Søndag ettermiddag låg ho ankra opp rett utanfor Gurinefjæro.
"Talitha" er bygd i 1929, og har ein svært klassisk utsjånad, ikkje så ulik kongeskipet. Om bord kan det vera eit mannskap på 18 og 12 gjester. Interiøret skal vera av Art Deco-design, men skipet vart modernisert i 2014. Båten er 80 meter lang.
Artikkelen held fram under annonsen.
"Talitha" er eigd av den berømte Getty-familien, som framleis brukar skipet til sine familieferiar. Men fartøyet er også for utleige, og det er såleis ikkje kjent kven som er om bord no.