Generasjonsbyte på garden?
Då kan landbrukskontoret sitt informasjonsmøte 6. oktober vera aktuelt.
Publisert
«Å overlata garden til neste generasjon er ein prosess. Vi vil med dette ønske velkomen både den eldre og yngre generasjon til nyttig informasjon om eigarskifte på landbrukseigedom. Kanskje er tida for å starta å snakke om det no?» skriv Kvinnherad kommune i invitasjonen.
Informasjonsmøtet vil finna stad torsdag kveld i kommunestyresalen. Der vil ein kunna høyra om erfaringane til nye gardseigarar, bli kjend med kva Norsk landbruksrådgjeving kan bidra med, samt få ein kort innføring frå Tveit rekneskap om kva ein bør tenkja på ved eigarskifte på garden.
