Gav tilskot til krigsminnesmerke
Det nye krigsminnesmerket over sjømannen Torger Olsen Feet får pengestøtte frå Kvinnherad kommune.
Publisert
Uskedal Friluftslag har sett opp ei ny minnetavle på bautaen på Stemneplassen i bygda. Den minner Torger Olsen Feet, som mista livet i 1943. Han var då om bord MT «Gulfland», som lasta med flybensin kolliderte med eit anna skip frå same reiarlag på kysten av Florida. Året før overlevde han ei torpedering.
Friluftslaget søkte kommunen om støtte på 20.000 kroner til produksjon og montering av namneplata. Saka vart løfta til handsaming i formannskapet på måndag, og vart der godkjent med åtte mot éi røyst.
