Gav mykje meir enn landssnittet – sjå topp 10 frå Kvinnherad
Årets TV-aksjon enda med ny rekord. Også i Kvinnherad vart resultatet bra. Her kan du sjå kven dei ti største bidragsytarane var.
Publisert
Sist oppdatert
TV-aksjonen 2024 gjekk av stabelen på søndag. I år gjekk pengane til Barnekreftforeningen, som skal bruka pengane til å byggja familiehus ved universitetssjukehusa i Bergen, Tromsø, Trondheim og Oslo. Totalt vart det samla inn 366,9 millionar kroner, noko som er ny rekord.
Frå Kvinnherad kom det inn 1.261.607 kroner. Det betyr 96,39 kroner per innbyggjar, viss ein reknar med 13.089 personar. Landssnittet var på 66,52 per person, så Kvinnherad gav heile 29,87 meir enn snittet.
Annonse
Resultatet plasserer Kvinnherad på 114. plass av 358 kommunar i Norge. I Vestland fylke vart vi nummer 19 av 43 kommunar.
Frå Halsnøy meldte alle bøsseberarane om hyggelege folk bak kvar dør, dersom dei var heime, og det var perfekt turvêr. Nokon vart til og med stoppa av forbipasserande bilar med folk som ville gje pengar. Blant dei friviljuge på Halsnøy var det også 16 elevar frå Folkehøgskulen.
Dei 10 største bidraga frå Kvinnherad:
1. Hydro Husnes kr 100.000,-.
Annonse
2. Malmanger skule kr 83.226,-.
3. Kvinnherad kommune kr 39.435,-.
4. Undarheim skule kr 37.355,-.
5. Sæbøvik Vel kr 29.300,-.
6. Omvikdalen skule kr 21.464,-.
7. Valen skule kr 21.430,-.
Annonse
8. Elias og Casper si digitale bøsse kr 12.900,-.
9. Halsnøy skule, skulejoggen kr 10.710,-.
10. Benjaco AS kr 10.000,-.
