Gav butikktjuv besøksforbod
Etter gjentekne butikktjuveri i same butikk på Husnes, har politiet tatt eit uvanleg grep for å få ein stopp på naskinga.
Publisert
Sist oppdatert
Ein mann i 50-åra var tatt for butikktjuveri fleire gonger i førre veke. Når det ikkje gav seg etter vanleg framgangsmåte frå politiet si side, tok dei i bruk eit uvant verkemiddel.
– Det er snakk om gjentakande naskeri, og når han har blitt konfrontert av personalet, så er han ufin med dei. Me bruker verktøykassen vår, og gir han eit besøksforbod, med von om å få bukt med dette problemet, seier Torgeir Fosse ved Kvinnherad politistasjon.
Annonse
Naskeri blir normalt straffa med bot. Brot på besøksforbod er meir alvorleg.
– Det kan straffast på ein annan måte, og me håper dette motiverer mannen til å ikkje oppsøkja denne butikken på Husnes igjen, sluttar Fosse.
