Går sakte, men sikkert på Nygårdshøgdo

Det har vore nokre turbulente månadar i byggjebransjen, då det har oppstått ein byggjeboom over heile landet. Mens Ola Normann lar seg inspirera av TV-programmer som «Tid for Hjem», har byggjefirma for lengst fylt opp ordrebøkene.

Marius Pedersen i Nygårdshøyden AS kan fortelja at korona har påverka byggjeprosjektet, men at dei likevel har valt å ikkje hiva seg på prisaukinga.

– No i koronaperioden har det vore ein prisauke på materiale, men me har berre auka prisen ein gong. Eigentleg skal me auka tre gongar, men me har valt å ikkje gjera det. Dette for å bli meir aktuelle på marknaden.

Korona påverkar

Nygårdshøyden AS er opptekne av nøgde kundar, og let seg ikkje vippa av pinnen sjølv om viruset påverkar både leveransen og prisauken på materiale.

– Korona har påverka oss til ei viss grad, mellom anna når det gjeld mangel og forseinkingar på materiale. Me har difor prøvd å vera moderate i byggjeperioden, der me byggjer maks tre einingar samstundes. Kundane skal vera nøgde med oss, og me prøvar difor å skjerma dei frå ringverknadane viruset fører med seg. Me er spesielt opptekne av å halda leveringsfristen på 9-11 månadar, og det har me klart fint til no, fastslår han.

Bak prosjektet på Halsnøy står Nygårdshøyden AS og utviklarselskapet Mjølnir Eiendom AS. Til no er to bygg ferdigstilte, og fleire er dei allereie i gong med.

– Sju kundar har kjøpt leilegheit til no, og då kan ein seia at 50 prosent er selt. Det er me nøgde med. Det er foreløpig to bygg som er ferdigstilte, som tilseie fire tomannseiningar. Her har tre husstandar flytta inn. Det er også eit bygg som skal stå ferdig til jul, og eit i mars. Då er det endå tre nye husstandar som flyttar inn, fortel Pedersen.

Kampanje

I staden for å auka prisen, køyrer dei no ein «koronakampanje» på to av leilegheitene som er under bygging.

– Desse er ledige, og i staden for å auka prisen, køyrer me ein slags koronakampanje. Ved kjøp av desse er det kampanje på forskottsbetalinga, og i tillegg får ein møbler med på kjøpet av den eine. Kjøparen får difor eit gåvekort på Husnes møbel, der dei sjølv kan velja kva møblar dei ynskjer. I realiteten skulle denne leilegheita vert prisa mykje meir enn den er, informera han.

Det går difor sakte, men sikkert på fram i høgda. Pedersen meiner dei har kome over eit punkt der dei sel, og har det komfortabelt.

– Me har fleire som er interessert, og det er kjekt. Dei som bur der no fortel at dei trivs med både god utsikt og nylagt asfalt. Det vert også kjekkare jo fleire som flytter inn. Og vaktmeisteren, han sørgjer for at det er innbydande og fint i feltet, sluttar han.