Fylkeskommunen har sett av 31 millionar til verdiskaping og grøn næringsutvikling
Allereie no er dei første millionane lyst ut til tilretteleggande tiltak.
Publisert
Fylkeskommunen har vedteke å setja av 31 millionar til verdiskaping og grøn næringsutvikling, kor 20 av desse no er lyst ut.
– Denne tilskotsordninga gjer at fylkeskommunen kan få fram nye idear, skape synergi og nye løysingar for berekraftig verdiskaping, seier Tor André Ljosland, leiar av hovudutval for næring, til vestlandfylke.no.
Annonse
Med desse midlane skal Vestland bli det leiande verdiskapingsfylket basert på berekraftig bruk av naturressursar, grøn næringsutvikling og innovasjon.
– Midlane skal gå til prosjekt som legg til rette for næringsutvikling og innovasjon, og ikkje direkte støtte til etablerarar eller bedrifter. Kommunar, organisasjonar og forskings- og utviklingsinstitusjonar med definerte utviklingsprosjekt kan søkje, informerer Vestland fylkeskommune, og legg til at det blir vektlagt at fleire aktørar samarbeider.
Fristen for å søkje er 10. mai.
