Fusjonerer og skiftar namn
Hellesøy Verft og Rosendal Marineservice har fusjonert inn i Hellesøy Holding og får nytt namn; ECG AS.
Publisert
Sist oppdatert
I juni 2022 overtok Hellesøy Holding som majoritetseigar eigarsida i Rosendal Marineservice, og i 2023 starta eit samliv mellom Rosendal Marineservice og Hellesøy Verft på industriområdet på Årsnes. No er dei to verksemdene fusjonerte inn i Hellesøy Holding, med eit påfølgande namnebyte som ein del av prosessen.
Vidareutvikling
Annonse
– Som ein del av vår satsing og vidare utvikling av selskapet har me i desember 2023 fullført planlagde fusjonar av selskap i Hellesøy-grupperinga. For å markere vår satsing og videre vekst er det kjekt å kunna meddela at me byter namn til ECG AS, skriv dagleg leiar Robin Pedersen i ei melding i samband med namnebytet.
Det juridisk namnet etter fusjonen er Elite Construction Group AS. Fusjonen blei registrert gjennomført i Brønnøysundregistera i oktober i 2023.
Selskapet held fram med adresse på Årsnes Industriområde.
