– Fullstendig urimeleg
Ordførar Vegard Bjørnevik (H) oppmodar om å jobba på vidare for å hindra dei dramatiske ferjekutta som fylkesdirektøren har føreslege.
Publisert
Sist oppdatert
Ordførar Bjørnevik heldt berre ei kort orientering til kommunestyret på torsdag. Tida valde han naturleg nok å bruka på forslaget om å ta bort éi ferje både på Ranavik-Skjersholmane og Gjermundshamn-Varaldsøy-Årsnes.
– Eg har brukt sterke ord i denne saka, for eg føler det er fullstendig urimeleg at Kvinnherad kommune skal stå for 20% av kutta i heile Vestland fylke. Dette kan vi ikkje finna oss i. Men det blir jobba godt med saka, og eg vil takka gruppeleiarane i denne samanhengen, som tidleg gav uttrykk for vår tverrpolitiske kamp mot framlegget. Eg veit mange parti jobbar godt. Vi må berre stå på fram til dette er blitt avverga, sa han.
Annonse
Bjørnevik hadde også merka seg at fylkesdirektøren i Rogaland fylkeskommune føreslår å fjerna tilskotet til Fjelbergruta.
– No ser vi òg at det kjem andre forslag som heller ikkje er heldige for oss. Dramatikken i dette er jo den felles utfordringa i mange kommunar og fylke, der dei må prioritera mykje tøffare enn det vi har sett tidlegare, analyserte Bjørnevik.
