Full rulle på biblioteket i haustferien

Det blir full rulle med mykje som skjer på biblioteket i haustferien. Det byrjar med gaming med fifa-turnering og diverse spel måndag.

– Den store satsinga i år er på tysdagen. Då slår me til med den store Harry Potter-dagen og program heile dagen. Av programmet kan vi nemne magisk valhatt og inndeling i 4 hus, buttons-verkstad der barna lager sine eigne hus-buttons, med pynting av tryllestav, lego-bord, og quiz. Og det vert også høgtlesing frå Harry Potter. Med ujamne mellomrom vert det også magisk premiedryss. Me viser den første Harry Potter-filmen, og det er grunn til å tru at det vil vere nokre spennande overraskingar, skriv arrangøren i ei pressemelding.

Arrangørane oppfordrar publikum til å kle seg ut i sine finaste Harry Potter-kostymer og vere med å skape god stemning. Dei lovar ein spesiell og magisk dag på biblioteket.

Pannekake og Askeladden

Onsdag kjem Teater Grimsborken med Eventyret om pannekaka, som er ei gjendikting av eit eventyr av Asbjørnsen og Moe. I denne versjonen går alt på rampete rim, og blir framført som fysisk fortelljarteater. Møt Kone Krone, Gamlefar, Sju Skrikerungar, Mann Brann, Høne Pøne, Hane Pane, Ande Vande, Gåse Våse, Gasse Vasse og Gylte Grisesylte der de alle prøver å ta kål på Pannekaka.

Med munnharpe og gitar som einaste hjelpemiddel, framfører Peder Opstad frå Teater Grimsborken si morosame og fine framsyning.

– Dette vert ei artig oppleving for liten og stor, skriv dei.

På fredag vert det gjensyn med Askeladden friteater. Denne gongen kjem dei med stykket Askeladden og dei gode hjelparane.

– Det er alltid fullt hus når dei kjem, så her er vert det garantert mykje latter og løye. Og kanskje vert det noko på laurdag. Følg med på friskus og heimesida til biblioteket. Alle arrangementa er gratis og alle er velkomne, lokkar arrangørane.