Totalt 600 kvinnheringar var innom Street Legal-arrangementet til Kvinnherad Amcar denne helga.
– Det har vert travelt, og vi er ikkje heilt ferdige enno. Men herregud, det har vert ei fantastisk kjekk helg. Mykje jobb, men òg mykje folk og mange flinke frivillige som har hjelpt til at helga gjekk knirkefritt, seier Stein Bjarte Kaldestad.
Annonse
– Kjempegøy
Med god hjelp frå Bergen Street Legal Klubb og mannskap frå NAF debuterte Kvinnherad Amcar som Street Legal-arrangørar med bravur. Straumlaust køyrde deltakarane med botn pinne frå Gry Helges og 200 meter mot Undarheim skule, før dei svinga høgre og tok retur gjennom Hidlarvegen for å stilla seg i kø for neste runde.
Det gjorde dei føre vel 400 publikummarar laurdag og 200 søndag.
– Det var vel 600 personar innom samla sett over begge dagane. Og dei tilbakemeldingane vi har fått er tommel opp, både frå publikum og frå bilsportsforbundet. Så det har vert ei super helg med berre vellete, seier Kaldestad.
Annonse
Om det vert ein tradisjon, veit han ikkje.
– Me skal setta oss ned og oppsummera no ein av dagane. Eg kan ikkje snakka på andre sine vegner, og vi må få pusten att før vi tek noko avgjersle. For det er utruleg mykje jobb både før, under og etter eit slikt arrangement. Men no har vi køyrt igjennom eingong, og veit kva det går i. Og så har vi sett at vi får det til. Og det var kjempegøy, seier Kaldestad.
Lokal vinnar
Også deltakarane gav si godkjenning.
– Det er skamgøy, seier Asbjørn Anfinsen som deltok i sin i augnefallande og raske Porsche. Og var såleis ein av fleire kvinnheringar som var i aksjon anten laurdag eller søndag.
Det var også Rune Guddal, som aldri hadde vert med på slikt før. Han stilte til start søndag i sin Tesla, og gjekk heile vegen til topps i sin klasse.
Annonse
– Han debuterte med ein 1. plass, og smilte frå øyra til øyra. Det var kjekt, seier Stein Bjarte Kaldestad.
