Fryktar tilsette kan ha blitt eksponerte for giftig gass

Vest politidistrikt melder på Twitter at 10 personar har vore eksponerte for røyk, tre av dei meir enn dei andre.

– Dei blir sett til av helse på staden. Røyken kan ha utvikla tre farlege gassar, etter brann i plastprodukt. Folk i området blir bedne om å trekka unna, og eventuelt melda seg for politiet om dei har fått i seg røyk, opplyser politiet.

– Så vidt eg kan sjå, ryk det ut alle vindauga i bygget, rapporterer Grenda-journalist Marius Nissestad frå brannstaden.