Front mot front ved Reset - to til sjukehus

Klokka 06:29 melde politiet om ei trafikkulukke på Sunde. Det var ein varebil og ein personbil som kolliderte front mot front i Toralivegen i dag tidleg. Tre personar skal vera involverte, det er ingen som er fastklemte, og alle skal vera vakne og bevisste. Airbaggane skal ha blitt løyst ut i begge bilane. Naudetatane kom til staden klokka 06:41.

Det er glatte vegar som kan vera årsaka til ulukka. Bilane står i vegbana, og det kan vera vanskeleg å passera forbi staden. Bergingsbil er rekvivert.

Klokka 07:07 oppdaterte politiet med at to personar blir sendt til sjukehus for nærare sjekk. Den tredje personen er sjekka av helsepersonell på staden.