Framleis rundt 100 nærkontaktar – mange vil testast denne veka

Måndag og tysdag vil mange nærkontaktar ta siste koronatest for å klarerast ut av karantene.

– Vi har framleis rundt 100 nærkontaktar, medan dei vel 100 vi hadde i ventekarantene er klarert ut. Når det kjem til nærkontaktane så vil mange av desse ta test måndag og tysdag for å klarerast ut av karantene, seier kommuneoverlege Glenn André Opland.

For å bli det må nærkontaktane få negativt prøvesvar på siste test. Og sjølv om ein aldri kan vera heilt sikker på utfallet, ser kommuneoverlegen optimistisk på situasjonen.

– Bank i bordet, så ser det lovande ut. Ut i frå situasjonen med 100 nærkontaktar og like mange i ventekarantene i førre veke, så er vi nøgde med det, seier han.