Fotoutstilling og føredrag: «Kvifor blir fuglane borte?»
Naturvernforbundet i Kvinnherad inviterer til sin aller fyrste Naturkafé, onsdag 23.oktober i Bergslagen på Sunde.
«Me vil arrangera Naturkafé to gonger i året, og håpar dette kan bli ein arena for å dela naturopplevingar, diskutera naturvern eller berre slå av ein prat», skriv dei i invitasjonen.
Dei fortel også at det vil bli høve til å eta kake, sjå fine bilete og kanskje lære noko nytt på desse samlingane.
Annonse
Temaet førstkomande onsdag er nedgang i fuglebestanden. Naturfotografen Sigve Solheim skal halda biletføredraget «Kvifor blir fuglane borte?». Det blir også ei utstilling med Solheim sine bilete i Bergslagen denne kvelden.
Naturvernforbundet lovar også musikkinnslag og open kafé.
