Fotgjengar stengte Folgefonntunnelen
11.150 meter med tunnel vart stengt etter at bilførar meldte frå om fotgjengar i tunnelen.
Publisert
Sist oppdatert
Dette meldte Vegtrafikksentralen Vest på X kl. 18.48. Ein halvtime seinare, kl. 19.22, var tunnelen igjen open for trafikk.
– Innringaren som køyrte forbi personen fortel at han var nokre hundre meter inne i tunnelen frå Austrepollen og gjekk i retning Odda, seier trafikkoperatør Arne Viken til BT.
Annonse
Vegtrafikksentralen varsla politiet, som rykte ut for å finna fotgjengaren.
– Det er ikkje den mest heldige staden å ta seg ein spasertur, kommenterte Viken tørt til BT.
