Fortvil ikkje, tradisjonen held fram

Tema for året er «Bli kjend med Kvinnherad», der tanken er å syna fram fine plassar og hyggjelege folk frå ulike stader i kommunen. Samtidig som det både skal bli interessant for sjåarane å fylgja med, kjem dei også til å ha høve til å vera med på ein hyggjeleg førjulskviss.

Kvar dag finn me fram til stader i kommunen som ikkje er så kjende blant alle, men me kjem også til å gje ein del hint, slik at alle kan ha sjansen til å svara på fylgjande spørsmål; «Kor er me?».

Løysingssetning

I tillegg vert det også ein hovudkonkurranse som kjem til å gå over alle dei 24 episodane, der det blir stilt eit spørsmål på slutten av kvar episode som vil leia fram til neste bokstav i løysingssetninga.

– Me gler oss til å visa fram Kvinnherad på denne måten. Førebels er ikkje alle episodane spelt inn, men så langt tyder alt på at dette kan bli veldig bra. Me har funne fram til spanande stader, og ikkje minst har me fått med oss svært hyggjelege gjester så langt. Me gler oss til fortsetjinga, fortel journalist og ein av programleiarane Morten Nygård.

Fyrste episode kjem på fredag, så fylg med.