Forskarkafé om tregrenser
Torsdag 18. april kjem professor Anne Elisabeth Bjune til Folgefonnsenteret for å halda føredraget «Skog og tregrenser i fortid og notid – og korleis klima og bruk påverkar dei».
Publisert
Bjune arbeidar som utdanningsleiar på Institutt for bio-vitskap ved Universitetet i Bergen. Der forskar ho mellom anna på klimaendringar og påverknaden det har på tregrensa.
«Ved å bruka planterester som pollen og frø, kan ein seie noko om fortida si vegetasjon- og klimahistorie. Korleis har klimaendringar, miljøforandringar og menneskeleg påverknad endra vegetasjon og landskap rundt oss? Dette og meir til skal Bjune fortelja om når ho vitjar Folgefonnsenteret sin forskarkafé denne torsdagskvelden», skriv fagleiar natur på Folgefonnsenteret Sara Nonås Langhelle i ei pressemelding.
Annonse
Forskarkafé er populærvitskapelege føredrag som vert presentert av fagpersonar frå Universitetet i Bergen, Bjerknessenteret for klimaforsking og Havforskingsinstituttet. Arrangementa er ope for alle.
